عزاء الجرح
* * * * * * * *
عزاء الجرح مش هاخده
فى قلبى الجرح فيه الروح
وجرح القلب أنا قده
مادام القلب فيه الروح
وتارى فى يوم أكيد هاخده
من الأسى منين مايروح
ومش هبكى بالدموع والدم
ولا أشكى بجرحي واتألم
ومهما الجرح ينزف دم
ولو في القلب هيعلم
هداوى جرحى بإديه
ودارى دمعي فى عنيه
ولو زاد الألم بيا
لا هصرخ يوم ولا اتألم
لا اسلم للعذاب أمرى
ولا اندم على اللى فات عمرى
حياتى بعرضها وطولها
هعيشها أكيد واكملها
وقابل ناس تفرحنى
وقابل ناس تجرحنى
وناس فى الفرح تفرحلى
وناس فى الجرح تتألم
رياح اليأس هتعدى
وجرحى ودمعتى فى خدى
هتدبل يوم وهنساها
ويطرح فى الربيع وردي
دى دنيا ومنها نتعلم
وأنا من جرحى هتعلم
لا اسلم قلبى بالساهل
واسلم للى يستاهل
حياتى وعمرى نا اندم
* * * * * * * *
عزاء الجرح
كلمات الشاعر/ إبراهيم محمد
تعليقات
إرسال تعليق